|
由於早幾日忙到死,所以今日先整理好資料同大家分享下。
CPU:
官網話最低要求係單核2.4GHz,佢個最低要求我會話係FOR開到隻GAME ONLY,如果想玩得順少少,你部電腦最少要有雙核2.4GHz以上,但係咪咩雙核都OK?我可以話唔係!因為個人試過幾部機,發現舊款少少嘅雙核同新雙核比都有幾大分別。所以我會話入門要順D個要求都應該要INTEL E6300/AMD Phenom X4 9650以上,簡單D講2008年打後嘅CPU應該OK,只要你唔係用CELERON同Athlon呢兩個級別的話.............
RAM:
基本上真係要2GB RAM起跳,呢個差唔多係現今所有GAME嘅入門標準嚟,如果你部機係2GB RAM以下,真係要考慮下加RAM,加左RAM後行WINDOWS都會順好多。至於你話4GB其至更高時,最大分別都係係村多人時會順D,出去打怪時應分別唔大。(打到30人另計)
DISPLAY:
好喇,DISPLAY呢家野真係好考人,有人用ONBOARD都得玩到反而有人用獨立DISPLAY都死,問題係在於你張咭究竟係咩等級。以我自己用左幾部唔同GRADE嘅機試,得出個結論係咭唔怕舊,但唔可以太低GARDE。即係你用張陳年8500 GT嚟推,都可以叫做玩到下,但麻煩你張SETTING盡量調低,否則只係玩自己。如果你用INTEL嘅內顯(即係什麼HD GRAPHIC 4000),真係睇高清片都還好,打機就免了,畀少少錢買獨顯重要唔好揀$500樓下果堆,否則分別不大。
INTERNET:
真係玩過CCB先知,INTERNET係瑪奇英雄傳個緊要性係咁高,一個好嘅HOST絕對令大家打得開心,玩得流暢。要令成隊人都玩得順嘅條件係在於你個UPLOAD SPEED,如果係用8號仔嘅陳年8MB限死64KB UPLOAD或者係用3G上網的話,我會強烈建議你唔好做開戰船果位,否則重衰過自己一個人打。所以點解會成日聽到人話明明我部機夠哂勁但都LAG個原因,就係做HOST果位條線唔夠快!基本上,只要你條線做到1MB UPLOAD的話,我估你都甚少會LAG(開住BT打另計)。各位記得睇線做人呀~~~~ |
|