新田圍的長樓梯

ssa220300

呢個真實經歷其實好短暫，不過每次諗返都記憶猶新。。。
件事係發生喺matrix第一集上畫果年，呢駒電影相信好多人都睇過，奇洛里維斯果陣亦紅到發紫，當年同友人相約睇零晨12點果場，喺觀塘果間舊戲院。
駒戲幾好睇，睇完有啲唏噓，睇完戲已經零晨兩點幾，喺呢個時候飛行棺材係一個好選擇，唔記得喺觀塘直返定旺角轉車，去到出獅隧嗌有落，住新田圍嘅都知落車後有條長長嘅石屎樓梯，當落車後好自然就望落樓梯度，見到喺樓梯盡頭馬路邊有個“人“型嘅物體企喺度，長髮垂肩，著裙，應該係女嘅。。。
我一邊落樓梯一邊望住佢，越行越近，但佢一路都無反應，無動作，就係靜靜哋咁企喺燈柱下面，垂下頭長髮遮臉，木然不動。。。硬住頭皮行過佢身邊果陣都有諗過佢會唔會俾個鬼樣我睇，當然最後都係無啦。
返到屋企沖涼，腦內全部都係呢個“佢“嘅畫面，回望佢嘅背影嘅時候佢都係無移動，無反應，突然間把心一橫著返套街坊裝落去想問吓佢究竟有咩需要，可惜我返到去嘅時候“佢“已經不知所踪。